Michael Woods nagusitu da Ancaraseko mendatean

Michael Woods kanadarrak irabazi du Lugo eta Ancareseko mendatearen artean korritu den 176 kilometroko Espainiako Vueltako hamahirugarren etapa. Ben O 'Connor (Decathlon) australiarrak, bestalde, liderraren elastiko gorriari eutsi dio.

Woods bakarrik iritsi da helmugara, 4 ordu 19 minutu eta 51 segundoko denborarekin. Mauro Schmid (Jayco Alula) bigarren izan da, 44 segundora; eta Marc Soler (UAE), hirugarren, 1 minutu eta 10 segundora.

Faboritoen artean, indartsuena Primoz Roglic esloveniarra izan da, helmugatik 4,4 kilometrora erasoa jo baitu aurkariak atzean utzita. Woodsengandik 10 minutu eta 54 segundora iritsi da, eta minutu bateko aldea atera die Enric Masi eta Richard Carapazi, eta 1 minutu eta 56 segundokoa Ben O 'Connorri.

Larunbat honetan, bestalde, 79. Espainiako Vueltako txirrindulariek probako hamalaugarren etapa jokatuko dute. Villafranca del Bierzon hasi eta Villablinon amaituko da hori, eta 200,5 kilometroko ibilbidea izango du.

Etapako sailkapena

1 - WOODS Michael (Israel - Premier Tech) 4:19:51

2 - SCHMID Mauro (Jayco) + 0:45

3 - SOLER Marc (UAE) +1:11

4 - OOMEN Sam  (Lidl)  + 1:25

5 - VAN AERT Wout (Visma) + 2:56

6 - LEEMREIZE Gijs  (dsm) + 3:33

7 - PARRA José Félix (Kern Pharma) + 5:19

8 - BIZKARRA Mikel (Euskaltel-Euskadi) + 5:38

9 - VERGALLITO Luca (Alpecin) + 5:59

10 - LE BERRE Mathis (Arkea) + 6:15

Sailkapen orokorra

1 - O'CONNOR Ben (Decathlon) 52:10:15

2 - ROGLIC Primoz (Red Bull) + 1:21

3 - MAS Enric (Movistar) +3:01

4 - CARAPAZ Richard (EF) + 3:13

5 - LANDA Mikel (Soudal) + 3:20

6 - RODRÍGUEZ Carlos (INEOS) + 4:12

7 - LIPOWITZ Florian (Red Bull) + 4:29

8 - GALL Felix (Decathlon) + 4:42

9 - GAUDU David (Groupama) + 4:44

10 -YATES Adam (UAE) + 5:17