O 'Connor australiarra nagusitu da Yunqueran, eta Vueltako lider berria da

Ben O 'Connor (Decathlon Ag2r) australiarrak irabazi du ostegun honetan Espainiako Vueltako seigarren etapa, Jerez de la Frontera eta Yunquera (Malaga) artean 185,5 kilometroko ibilbidea izan duena.

Eguneko ihesaldian helmugatik 28 kilometrora erasoa jo du O 'Connorrek, eta bakarrik joan da Vueltako bere lehen garaipena sinatu arte.

Txirrindulariak besoak altxatu ditu 4:28:12ko denborarekin. Helmuga zeharkatzeko unean, tropela, faboritoekin eta Primoz Roglic maillot gorriarekin, 6 minutu baino gehiagora zegoen, eta, horri esker, O 'Connor sailkapen nagusiko lider jarri da.

Euskal parte-hartzeari dagokionez, Urko Berrade (Kern Pharma) zortzigarren postuan helmugaratu da, eta Mikel Landa (Soudal) 12. postura jaitsi da sailkapen nagusian.

Ostiral honetan zazpigarren etapak Archidonatik Kordobara eramango du tropela 180,2 km-tan zehar.

ETAPAKO SAILKAPENA:

1 - O'CONNOR Ben (AG2R) 4:28:12

2 - FRIGO Marco (Israel) +4:33

3 - LIPOWITZ Florian (BORA) +5:12

4 - BERTHET Clément  (AG2R) d. b.

5 - RODRÍGUEZ Cristián (Arkea) d. b.

6 - LEEMREIZE Gijs (DSM) d. b.

7 - VANSEVENANT Mauri (Soudal) +5:35

8 - BERRADE Urko (Kern Pharma) +6:02

9 - DEL TORO Isaac (UAE) +6:31

10 - GAUDU David (Groupama) d. b.

11 - BOU Joan (Euskaltel) d. b.

SAILKAPEN NAGUSIA:

1 -  O'CONNOR Ben (AG2R) 23:28:28

2 - ROGLIC Primoz (Red Bull) +4:51

3 - ALMEIDA João (UAE) +4:59

4 - LIPOWITZ Florian (BORA) +5:18

5 - MAS Enric (Movistar) +5:23

6 - RODRIGUEZ Cristián (Arkéa) +5:26

7 - TIBERI Antonio (Bahrain) +5:29

8 - VAN EETVELT Lennert (Lotto) +5:32

9 - GALL Felix (Decathlon) +5:38

10 - SKJELMOSE Mattias (Lidl) +5:49

12 - LANDA Mikel (Soudal) d. b.