Txirrindularitza
Limousingo Tourra
Caja Ruraleko Orluis Aularrek bereganatu du Limousingo Tourreko lehen etapa, eta liderra da
EITB MEDIA
Caja Rural-Seguros RGA taldeko txirrindulari venezuelarrak bereganatu du garaipena lasterketako 57. ekitaldiari hasiera eman dion etapan; proban, WorldTourreko bost talde dabiltza.
-
Orluis Aular, artxiboko irudian. Argazkia: EFE.
Caja Rural-Seguros RGA taldeko Orluis Aular txirrindulari venezuelarrak irabazi du 2024ko Limousingo Tourreko lehen etapa, eta, horrenbestez, Frantzian jokatzen ari diren lasterketako 57. ekitaldiaren aurreneko liderra da.
Aular, Auzancesen izan den helmugan, ia 70 ziklistak osatutako multzo bateko azkarrena izan da. Cofidiseko Axel Zingle sailkatu da bigarren, eta Decathloneko Dorian Godon helmugaratu da hirugarren postuan.
"Oso pozik nago garaipen hau lortuta, talde osoarena da. Hasieratik, asmoa izan da etapa lehiatzea, eta nik hartzea ardura hori. Aukera eman didate, eta taldekideek lan bikaina egin dute; izan ere, 200 metro gelditzen zirela, lasterketa buruan utzi naute. Guztiak zoriondu nahi ditut, eta garaipena beraientzat da, baita nire senideentzat ere", esan du Orluis Aularrek, Caja Ruralek bere web orrian jasotako adierazpenetan. Nabarmentzeko modukoa da nola 2024ko Limousingo Tourrean WorldTourreko bost talde dabiltzala: Decathlon, Arkea, Intermarche, Cofidis eta Groupama.
Probak lau etapa ditu, eta asteazkenean bigarrena jokatuko dute. 193,8 kilometroko ibilbidea izango du, eta Saint-Aulaye-Puymangoun hasi eta Terrasson-Lavilledieun amaituko da.
Etapako sailkapena
1 - AULAR Orluis (Caja Rural) 3:54:43
2 - ZINGLE Axel (Cofidis) d. b.
3 - GODON Dorian (Decathlon) d. b.
4 - VADIC Baptiste (TotalEnergies) d. b.
5 - VENTURINI Clement (Arkea) d. b.
6 - FIORELLI Filippo (VF Group) d. b.
7 - PAGE Hugo (Intermarché) d. b.
8 - RETAILLEAU Valentin (Decathlon) d. b.
9 - SBARAGLI Kristian (Corratec) d. b.
10 - SIMON Julien (TotalEnergies) d. b.
Sailkapen nagusia
1 - AULAR Orluis (Caja Rural) 3:54:33
2 - ZINGLE Axel (Cofidis) + 0:04
3 - BARRE Louis (Arkéa) d. b.
4 - MADOUAS Valentin (Groupama) d. b.
5 - BAUDIN Alex (Decathlon) + 0:05
6 - GODON Dorian (Decathlon) + 0:06
7 - LABROSSE Jordan (Decathlon) + 0:09
8 - VADIC Baptiste (TotalEnergies) + 0:10
9 - VENTURINI Clement (Arkea) d. b.
10 - FIORELLI Filippo (VF Group) d. b.
