Txirrindularitza
Baloise Belgikako Tourra
Alex Aranburu hirugarren izan da Belgikako Tourrean
EITB Media
Movistar taldeko euskal txirrindulariak sailkapen nagusiko hirugarren postuan amaitu du lasterketa. Soren Waerenskjold izan da txapelduna.
-
Alex Aranburu, Movistar taldeko txirrindularia. Argazkia: EITB Media
Alex Aranburu (Movistar) hirugarren izan da Baloise Belgikako Tourrean. Euskal txirrindulariak Soren Waerenskjold (Uno-X Mobility) itzuliko irabazlearekiko zazpi segundora amaitu du lasterketa. Mathias Vacek (Lidl-Trek) izan da bigarren, garailearekiko lau segundora.
Aranburuk etapa garaipena bereganatu zuen laugarren eta azken-aurreko etapan. Lasterketa irabazteko aukerarekin heldu da azken etapara, baina ezin izan dio lidertza lapurtu Waerenskjoldi.
Bosgarren eta azken etapako irabazlea esprintean erabaki da. Azken metroetan, Tim Merlier (Soudal-Quick Step) izan da onena, Jasper Philipsen (Alpecin-Decuninck) bigarren eta Tom van Asbroeck (Israel-Premier Tech) hirugarren.
Sailkapen nagusia:
1 - WÆRENSKJOLD Søren (Uno) 16:27:19
2 - VACEK Mathias (Lidl) +0:04
3 - ARANBURU Alex (Movistar) +0:07
4 - PHILIPSEN Jasper (Alpecin) +0:17
5 - STUYVEN Jasper (Lidl) +0:19
5. etapako sailkapena:
1 - MERLIER Tim (Soudal) 3:53:50
2 - PHILIPSEN Jasper (Alpecin) d. b.
3 - VAN ASBROECK Tom (Israel) d. b.
4 - VACEK Mathias (Lidl) d. b.
5 - DE PESTEL Sander (Decathlon) d. b.
