Txirrindularitza
Suitzako Itzulia
2024ko Suitzako Itzuliko ibilbidea eta profilak
EITB MEDIA
Ekainaren 9a eta 16a bitartean jokatuko da, zortzi etapa izango ditu, eta ETB1ek eta eitb.eus-ek zuzenean emango dituzte guztiak.
-
Suitzako Itzulia ekainaren 9an hasi eta 16an amaituko da. Irudia: tourdesuisse.ch
2024ko Suitzako Itzulia igandean hasiko da, ekainaren 9an, astebeteren buruan amaituko da, hilaren 16an, eta zortzi etapa izango ditu. Ospe handiko lasterketa 87. aldiz egingo dute, eta, urtero bezala, WorldTour mailako azken proba izango da Frantziako Tourra hasi aurretik. Antolatzaileen esanetan, besteak beste, 2023ko irabazle Mattias Skjelmos (Lidl-Trek), Richard Carapaz (EF Education), Egan Bernal (INEOS Grenadiers) eta Adam Yates (UAE Emirates) arituko dira bertan azken garaipena lortzeko faborito nagusien artean. Euskal txirrindularitzari dagokionez, Ion Izagirre (Cofidis) izango da irteeran, bai eta Oscar Rodriguez (INEOS) eta Xabier Mikel Azparren (Q36.5) ere; Izagirre lasterketa bikaina egiteko moduan dauden ziklisten artean dago, eta Rodriguez eta Azparren ere aterako dira dena ematera.
EITBk zuzenean emango du 2024ko Suitzako Itzulia arratsaldero, ETB1en eta eitb.eus-en, 15:15etik aurrera, baina salbuespenak izango dira aurreneko etapa, 16:00etan hasiko baita, Dauphine Kriteriuma amaitutakoan, eta seigarrena, hilaren 14koa, 14:00etan hasiko baita eitb.eus-en eta ETB4n (15:15ean, ETB1era igaroko da emanaldia).
2024ko Suitzako Itzuliko etapak
1. etapa (ekainak 9, igandea): Vaduz - Vaduz (4,8 kilometro, banakako erlojupekoa)
2024ko Suitzako Itzuliko 1. etapa. Irudia: Tourdesuisse.ch
2. etapa (ekainak 10, astelehena): Vaduz - Regensdorf (176,9 kilometro)
2024ko Suitzako Itzuliko 2. etapa. Irudia: Tourdesuisse.ch
3. etapa (ekainak 11, asteartea): Steinmaur - Rüschlikon (161,7 kilometro)
2024ko Suitzako Itzuliko 3. etapa. Irudia: Tourdesuisse.ch
4. etapa (ekainak 12, asteazkena): Rüschlikon - San Gottardo (170,9 kilometro)
2024ko Suitzako Itzuliko 4. etapa. Irudia: Tourdesuisse.ch
5. etapa (ekainak 13, osteguna): Ambri - Cari (148,6 kilometro)
2024ko Suitzako Itzuliko 5. etapa. Irudia: Tourdesuisse.ch
6. etapa (ekainak 14, ostirala): Locarno - Blatten (151,4 kilometro)
2024ko Suitzako Itzuliko 6. etapa. Irudia: Tourdesuisse.ch
7. etapa (ekainak 15 larunbata): Villars-sur-Ollon - Villars-sur-Ollon (118,2 kilometro)
2024ko Suitzako Itzuliko 7. etapa. Irudia: Tourdesuisse.ch
8. etapa (ekainak 16, igandea): Aigle - Villars-sur-Ollon (15,7 kilometro, banakako erlojupekoa)
2024ko Suitzako Itzuliko 8. etapa. Irudia: Tourdesuisse.ch
