Txirrindularitza
Suitzako Itzuliko 3. etapa
Peter Saganek azken metroetan bereganatu du etapa
I. G. | EITB MEDIA
Total Energies taldeko eslovakiarra aurretik jarri da azken metroetan tropela helmugaratu denean.
Peter Sagan eslovakiarrak (Total Energies) irabazi du Suitzako Itzuliko hirugarren etapa Aesch eta Grenchen artean (176,9 km). Stephen Williams (Bahrain Victorious) britainiarrak lider jarraitzen du sailkapen nagusian.
Saganek, bere erakustaldietako batean, urrutitik jo du erasoa helmugatik gertu bere azken garaipenetik urtebete ingurura besoak berriro altxatzeko 4:28:39ko denborarekin, Bryan Coquard (Cofidis) frantziarraren eta Alexander Kristoff (Intermarché) norvegiarraren aurretik. Alex Aranburu (Movistar) euskalduna bosgarren postuan iritsi da.
Sailkapen nagusian Stephen Williams da liderra Andreas Kron danimarkarra (Lotto Soudal) 6 segundora eta Andreas Leknessund norvegiarra (DSM) 7 segundora dituelarik.
Asteazken honetan laugarren etapa jokatuko da Grenchen eta Brunnen artean 190,8 km-ko ibilbidearekin.
Etapako sailkapena
1 - SAGAN Peter (TotalEnergies) 4:28:38
2 - COQUARD Bryan (Cofidis) d.b.
3 - KRISTOFF Alexander (Intermarché - Wanty - Gobert Matériaux) d.b.
4 - PIDCOCK Thomas (INEOS Grenadiers) d.b.
5 - ARANBURU Alex (Movistar Team) d.b.
6 - TRENTIN Matteo (UAE Team Emirates) d.b.
7 - BOL Cees (Team DSM) d.b.
8 - MATTHEWS Michael (Team BikeExchange - Jayco) d.b.
9 - TEUNISSEN Mike (Jumbo-Visma) d.b.
10 - BETTIOL Alberto (EF Education-EasyPost) d.b.
Sailkapen orokorra
1 - WILLIAMS Stephen (Bahrain) 13:32:19
2 - KRON Andreas (Lotto Soudal) +0:06
3 - LEKNESSUND Andreas (Team DSM) +0:07
4 - THOMAS Geraint (INEOS Grenadiers) d.b.
5 - KÜNG Stefan (Groupama - FDJ) +0:10
6 - KUSS Sepp (Jumbo-Visma) d.b.
7 - HIRSCHI Marc (UAE Team Emirates) d.b.
8 - VLASOV Aleksandr (BORA - hansgrohe) d.b.
9 - FUGLSANG Jakob (Israel - Premier Tech) d.b.
10 - YATES Adam (INEOS Grenadiers) d.b.
