Txirrindularitza
Kataluniako Volta
Sonny Colbrelli "ondo eta egonkor" dago
EITB Media
Italiarrak konortea galdu zuen eta lurrera erori zen Voltako lehen etapako helmuga zeharkatu ostean. Medikuek bihotzeko masajea egin behar izan zioten, suspertzeko, eta, ondoren, "egonkor" eraman zuten ospitalera.
-
Colbrelliri bihotzeko masajea ematen dioten momentua. Argazkia: EFE
Sonny Colbrelli (Bahrain Victorious) ospitalera eraman zuten astelehenean, Kataluniako Voltako lehen etapa amaitu ostean. Italiarrak bigarren egin zuen Michael Matthewsek irabazi zuen etapan, baina helmuga igaro ostean, konortea galdu zuen eta lurrera erori zen.
Team Bahrain Victorious taldeak iragarri duenez, txirrindularia "ondo eta egonkor dago", eta senideekin eta lagunekin hitz egin du dagoeneko. "Astelehenean egindako proba mediko guztiek ondo eman dute, eta ez dago larritzeko arrazoirik".
Alex Flor Voltako medikuaren hitzetan, Colbrelli "ondo dago, baina azterketa gehiago egin behar dizkiote". Konortea galdu eta erori ostean txirrindularia artatu zuen lehen pertsonetako bat izan zen Flor, eta "desfibriladorea erabili behar izan genuen", esan du.
¿ After being admitted to Hospital Universitari de Girona Doctor Josep Trueta, @sonnycolbrelli was conscious and feeling okay. He has since been in touch with family and friends as he recovers at the hospital.
— Team Bahrain Victorious (@BHRVictorious) March 22, 2022
[1/2] pic.twitter.com/NGZStoZyjn
Mucho ánimo y rápida recuperación a @sonnycolbrelli tras el incidente ayer en el final de etapa. Un grande abbraccio, Sonny.
— alejandro valverde (@alejanvalverde) March 22, 2022
