Txirrindularitza
Erorikoa izan du
Nibalik erradioa hautsita du eta ebakuntza egingo diote
A. B. | EITB Media
Italiako Giroko txapeldun bikoitza den Vincenzo Nibalik erorikoa izan du entrenamendu baten, eta eskuin besoko erradioa hautsita du. Ostegun honetan ebakuntza egingo diote.
-
Vincenzo Nibali, txirrindularia. Argazkia: @TrekSegafredo
Vincenzo Nibalik (Trek-Segafredo) hautsita du eskuin eskumuturreko erradioa, entrenatzen ari zenean erorikoa izan ostean. Ostegun honetan ebakuntza egingo diote Trek-Segafredo taldeak jakinarazi duenez. Zalantza dago bere parte-hartzea Italiako Giroan.
"Azterketa klinikoek argitu dutenez, Vincenzo Nibalik haustura du eskuin eskumuturreko erradioan. Ostegun honetan ebakuntza egingo diote, eta ondoren jakin ahal izango dugu sendatze-epea zenbatekoa izango den. Horren arabera erabakik du Giroan parte hartuko duen ala ez", adierazi du Trek-Segafredo taldeak publikatu duen mediku txostenak.
Nibali Tenerifetik Suitzara joan zen astelehenean, eta Luganoko ospitalean osasun-azterketak egin zituen. Italiako Giroa maiatzaren 8tik 30era artean egingo da, eta lasterketa birritan irabazi duen Vincenzo Nibaliren parte-hartzea kolokan dago.
