Eneco Tour: Andre greipelek irabazi du lehen etapa esprintean

Erredakzioa

Azken eguneratzea: 2011/08/10 10:31 (UTC+2)

Omega Pharma-Lottoko txirrindulariak Galimzyanov eta Tyler Farrar gainditu zituen azken metroetan. Taylor Phinneyk jarraitzen du sailkapen nagusiko lidergoan.

Andre Greipelek irabazi du Eneco Tourreko lehen etapa. Argazkia: EFE

Whatsapp
Whatsapp
telegram
twitt
Bidali
Esteka kopiatu

Andre Greipel (Omega Pharma-Lotto) alemaniarrak irabazi du Eneco Tourreko lehen etapa. Esprintean lortu du garaipena Galimzyanov (bigarren) eta Tyler Farrar (hirugarren) gaindituta. Oosterhout eta St. Willebrord artean burutu zen 192,5 kilometroko lehen etapa hau.

Taylor Phinneyk (BMC) jarraitzen du sailkapen nagusiko lidergoan lehen egunean prologoa irabazita. Phinneyk David Millar (Garmin-Cervelo) eta Edvald Boasson Hagen (Sky) bezalako txirrindulariak gainditu zituen 5,7 kilometroko erlojupekoan.

Eguneko ihesaldiko protagonistak lau txirrindulari izan ziren: Thomas De Gendt (Vacansoleil), Jens Debusschere (Omega Pharma-Lotto), Julien Fouchard (Cofidis) eta Matteo Trentin (Quickstep).

Lehen etapako sailkapena:

.1. André Greipel (ALE) Omega Pharma-Lotto 4h 20:25
.2. Denis Galimzyanov (RUS) Katusha d.b.
.3. Tyler Farrar (USA) Garmin-Cervélo d.b.
.4. Theo Bos (HOL) Rabobank d.b.
.5. Tom Veelers (HOL) Skil-Shimano d.b.

Sailkapen nagusia:

.1. Taylor Phinney (USA) BMC 4.28:17
.2. Edvald Boasson Hagen (NOR) Sky + 07
.3. David Millar (GBR) Garmin-Cervelo + 08
.4. André Greipel (ALE) Omega Pharma-Lotto + 20
.5. Tyler Farrar (USA) Garmin-Cervélo + 23