Txirrindularitza
Tour Down Under
Richie Portek irabazi du lasterketa, eta Matt Holmesek azken etapa
Agentziak | Erredakzioa
Omar Frailek 17. amaitu du sailkapen nagusian, Portek baino 1:06 gehiago eginda.
-
Richie Porte, podiumean. Argazkia: Efe.
Richie Porte australiarrak (Trek-Segafredo) bigarrenez irabazi du Tour Down Under lasterketa Willunga Hill mendatean. Portek eraso egin du bigarren igoeran eta aurkarien itxaropenak bertan behera utzi ditu, azkenean Matthew Holmes (Lotto Soudal) britainiarrak bakarrik gainditu duelako helmugan.
Holmesek lehen garaipena lortu du profesionaletan, World Tourreko lasterketa bateko bere lehen parte-hartzean.
Daryl Impey (Mitchelton-Scott) hegoafrikarra eta iazko edizioko irabazleak lidergoan hasi du azken etapa, bi segundoko aldearekin. Baina ezin izan dio Portek azken igoera jarritako erritmoari eutsi eta helmugan 29 segundo galdu ditu.
Hala ere, Portek ezin izan du Holmes gaztea mendean hartu. Britainiarra Porteren gurpilean joan da eta azkenean Porte esprintean gainditu du.
Manuele Boaro (Astana) hirugarren izan da etapan lau segundora, eta Omar Fraile bizkaitarra 26 segundora sartu da.
Sailkapen nagusian, Richie Porteren atzetik Diego Ulissi (UAE Emirates) geratu da, eta hirugarren Simon Geschke (CCC). Omar Frailek 17. postuan amaitu du, 1:06 minutura.
