Xavi Tondo txirrindulari katalana hil egin da

Erredakzioa

Azken eguneratzea: 2011/05/24 08:59 (UTC+2)

Movistar taldeko txirrindulariari garajeko atea gainera erori zaio Granadan entrenamendua burutzeko atertazera zihoanean.

Whatsapp
Whatsapp
telegram
twitt
Bidali
Esteka kopiatu

Albisteak (1)

Movistar Teamek Giroan jarraituko du

Bideoak (1)

Xavi Tondo txirrindularia hil egin da, garajeko atea gainera erorita

Informazio gehiago (1)

Xavi Tondoren palmaresa

Movistar taldeko txirrindularia den Xavier Tondo astelehen honetan hil da Granadan. Txirrindulari katalana entrenamendu bat burutzeko prestatzen ari zen eta garajeko atea gainera erori zaio. Hala adierazi du Eusebio Unzue Movistar taldeko zuzendariak.

Unzuek aitortu du "garajeko atea gainera erori zaiola" Sierra Nevadan entrenamendu bat burutzera zihoanean bere taldekide Beñat Intxausti esukal txirrindulariarekin.

Prandollanoko urbanizazioangertatu da hau guztia, Sierra Nevadan. Movistarreko txirrindulariak FrantziakoTourrerako entrenatzen ari ziren bertan. Goizeko 10:00etan, Tondo autoa garajetik ateratzera zihoanean, autotik jaitsi da atea itxita zegoelabaieztatzeko eta orduan harrapatuta geratu da.

Movistarrek aurten fitxatu du Xavier Tondo Vallseko (Tarragona) txirrindularia. 32 urteko txirrindulari hau Cervelo taldean aritu zen iaz eta aurten Gaztela eta Leongo Vuelta irabazi du.