Txirrindularitza
80. edizioa
Enrique Sanzek lortu du garaipena Portugalgo Itzuliko zazpigarren etapan
AGENTZIAK | ERREDAKZIOA
Euskadi-Murias taldeko txirrindulari nafarra izan da indartsuena azken aldapan.
-
Enrique Sanz, besoak gora, garaipena ospatzen. Argazkia: EFE
Enrique Sanz nafarrak (Euskadi-Murias) irabazi du ostegun honetan jokatu den Portugalgo Itzuliko zazpigarren etapa, eta, hartara, bere taldeak denboraldi honetan erdietsi duen seigarren garaipena lortu du.
Sanz helmugaratu da lehen postuan, Montalegre eta Viana do Castelo hiriko Santa Luzia santutegiaren artean jokatu den 165,5 kilometroko etapan. Horren atzetik, denbora berean, Daniel Mestre portugaldarra (Efapel) eta Raul Alarcon (W52/FC Porto) liderra sartu dira.
Ostiral honetan, txirrindulariek 147,6 kilometroko ibilbideari egin beharko diote aurre, Barcelos eta Braga artean.
