Txirrindularitza
Poloniako Itzulia, 3. etapa
Peter Sagan lider jarri da berriro, Dylan Teunsek etapa irabazi ostean
Agentziak | Erredakzioa
Teuns bigarren jarri da sailkapen nagusian, Saganengandik sei segundora.
-
Dylan Teuns. Argazkia: Efe.
Dylan Teuns belgikarrak irabazi du Poloniako Itzuliko hirugarren etapa. Sailkapen nagusian, Peter Sagan lider jarri da berriro, etapan bigarren egin ostean.
Hirugarren etapak 161 kilometroko ibilbidea izan du, Jaworzno eta Szczyrk artean, eta lau mendate gainditu behar izan dituzte.
Jack Haig australiarrak erasoa jo du helmugarako 11 kilometrora, jaitsieran, azken kilometroko igoeraren aurretik aldea zabaltzeko helburuarekin. Dena den, tropelak harrapatu egin du, eta garaipenak ihes egin dio.
Ondoren, Dylan Teunsek eta Adam Yatesek jo dute erasoa, baina Yates atzean geratu da, eta garaipena Teunsek eraman du, 3 ordu 51 minutu eta 41 segundoko denbora eginda. Teuns bigarren da orain sailkapen nagusian, Saganengandik sei segundora.
Laugarren etapak 238 kilometro izango ditu, Zawiercie eta Zabrze artean.
