Txirrindularitza
Suitzako Itzulia
Rohan Dennisek irabazi du azken etapa, eta Spilakek, sailkapen nagusia
Agentziak | Erredakzioa
Lau euskal txirrindularik (Ion Izagirre, Mikel Nieve, Pello Bilbao eta Victor de la Parte) sailkapen nagusiko 11 onenen artean amaitu dute itzulia.
Albisteak (4)
Rohan Dennis australiarrak irabazi du Suitzako Tourreko bederatzigarren eta azken etapa, 28,6 kilometroko erlojuaren kontrakoa, Schaffhausenen hasi eta amaituta. Simon Spilak eslovakiarrak bigarrenez irabazi du sailkapen nagusia.
Spilakek ia erabakita utzi zuen lasterketa seigarren etapan, eta gaurko azken erlojupekoan bosgarren postuari eustearekin nahikoa izan du. Rohan Dennis irabazleak baino 51 segundo gehiago behar izan ditu ibilbidea betetzeko. Damiano Caruso sailkapeneko bigarrenarekin 4 segundo bakarrik galdu ditu, eta, ondorioz, 2015ean lortutako garaipena errepikatu du.
Bederatzigarren etapako erlojupekoan ez da ezusterik izan, eta garaipena faboritoak lortu du, Rohan Dennisek. 26 minutu eta 30 segundoko denbora egin du. Stefan Küng suitzarra geratu da bigarren, eta Caruso, hirugarren.
Ion Izagirre gipuzkoarrak laugarren bukatu du etapa, Spilaken denbora berean.
