Txirrindularitza
Tirreno Adriatikoa, 2. etapa
Geraint Thomasek irabazi du etapa, eta Van Avermaet lider jarri da
Agentziak | Erredakzioa
30 urteko galestarrak erasoa jo du igoeran, helmugarako lau kilometrora.
Albisteak (1)
Bideoak (1)
Geraint Thomas Sky taldeko britainiarrak irabazi du Tirreno Adriatiko lasterketako bigarren etapa. Txirrindulariek 229 kilometro egin dituzte, Camaiore eta Pomerance artean. Greg Avermaet iazko irabazlea lider da orain sailkapen nagusian.
30 urteko galestarrak erasoa jo du aldapan gora, helmugarako 4 kilometroren faltan, eta bera bakarrik iritsi da helmugara. Tom Dumoulin holandarra bigarren izan da 9 segundora.
Dumoulinen iritsi eta berehala tropel nagusia heldu da, Peter Sagan eslovakiarra buruan zela. Munduko txapeldunak ezin izan dio erritmoari eutsi Pomerancerako bidean.
Liderraren jertse urdina Greg Avermaetek jantzi du orain. Bigarren Rohan Dennis australiarra da eta hirugarren Tejay Van Garderen estatubatuarra.
