Txirrindularitza
Valentziako Volta, 4. etapa
Poels gailendu da, Beñat Intxaustiren eta Ion Izagirreren aurretik
Agentziak | Erredakzioa
Liderrak erakustaldia eman du laugarren etapa eta sendo eusten dio sailkapeneko lehen postuari. Igandean azken etapa korrituko dute.
Wouter Poels Valentziako Voltako liderrak laugarren etapa irabazi du, erakustaldia emanez. 141,3 kilometroko ibilbidea egin dute txirrindulariek Orihuela eta Xorret de Cati artean. Irabazleak 3:26:32ko denbora egin du.
Holandarrak argi utzi du lasterketako txirrindularirik indartsuena dela, eta nagusitasunez gailendu da. Beñat Intxausti eta Ion Izagirre bigarren eta hirugarren izan dira, 23 segundora.
Valentziako Volta igandean amaituko da, bosgarren eta azken etaparekin: 120,7 kilometro Valentzian hasi eta amaituta. Mendate bakarra izango dute bidean, Oronet, hirugarren mailakoa, etabukaeran sei itzuli eman beharko dizkiote zirkuitu bati, Valentziako hirigunean.
