Txirrindularitza
Mallorcako Challenge, 2. etapa
Brambilla italiarrak irabazi du bigarren jardunaldian
Agentziak | Erredakzioa
Michal Kwiatkowski poloniarra (Sky) eta Zdenek Stybar txekiarra (Etixx-Quick Step) bigarren eta hirugarren izan dira, hurrenez hurren, irabazlearengandik bi segundora.
![](http://media.eitb.eus/multimedia/images/2016/01/29/1864520/imanol-estevez-murias_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Gianluca Brambilla (Etixx-Quick Step) italiarrak Pollença-Andratx saria irabazi du, Mallorca Challenge lasterketako bigarren jardunaldia. Irabazlea bakar-bakarrik iritsi da helmugara, 153 kilometroko ibilbidea bete ostean.
28 urteko italiarrak erasoa jo du azken kilometroetan eta 3 ordu, 32 minutu eta 23 segundoko denbora egin du.
Bigarren Michal Kwiatkowski poloniarra (Sky) izan da eta hirugarren Zdenek Stybar txekiarra (Etixx-Quick Step). Biak irabazlearengandik bi segundora sartu dira.
Mallorca Challenge lasterketako hirugarren jardunaldia, Serra de Tramuntana saria, larunbatean lehiatuko da, Soller eta Deià artean (143 kilometro).