Astanaren egoera benetan 'larria' dela azpimarratu du UCIk

UCIk (Nazioarteko Txirrindularien Batasunak) atzo jakitera eman zuenez, hurrengo denboraldirako WorldTour lizentzia duten 17 taldeen artean dago Astana, nahiz eta Maxim eta Valentin Iglinskiyk hilabete baino gutxiagoan positibo eman duten. Gauzak horrela, Aigletik gaiaren inguruko kezka azaldu dute, eta zalantzan jarri dute Alexandr Vinokouroven taldearen kudeaketa.

BiciClismori igorritako komunikatu batean, bi taldeekideen positiboak EPOagatik, “egoera benetan larria’ dela eta taldearen kudeaketaren eta etikaren inguruan argitu beharreko gauzak daudela azaldu dute.

Beraz, Astanaren barneko politika aztertuko dutela ziurtatu dute: ‘Taldearekin honen inguruan eztabaidatuko dugu, txirrindulariek dopina errendimendua hobetzeko ez erabiltzeko, ea euran esku dagoen guztia egiten baduten frogatzeko’.