Txirrindularitza
Tirreno-Adriatikoa, 7. etapa
Alberto Contador, nagusitasunez, irabazle
Erredakzioa
Lasterketa gogorrenetan indartsuena izan da Contador sasoian dagoela erakutsiz. Erlojupekoa Adriano Malorik (Movistar Team) irabazi du. Nieve 10. postuan sailkatu da sailkapen nagusian.
Albisteak (3)
Bideoak (1)
Informazio gehiago (1)
Alberto Contadorrek irabazi du aurtengo Tirreno-Adriatikoa. Azken etapa 9,1 kilometroko erlojupekoa izan da, eta Movistar taldeko Adriano Malori izan da nagusi. Mikel Nieve izan da euskal txirrindulari onena sailkapen nagusia. 10. postuan bukatu du, irabazlearengandik 3:19-ra.
Malorik 10:13ko denbora egin du. Fabian Cancellara izan da bigarren (10:19), eta Bradley Wiggins (Sky), hirugarren (10:24). Tony Martin (Quick Step), Cancellara eta Wiggins ziren erlojupekoa eskuratzeko faborito nagusiak, baina azkenean italiarrarentzat izan da garaipena.
Contadorren garaipena ia erabakita zegoen. Espainiarra 2:08-ko aldearekin atera da gaurko jardunaldian, eta Nairo Quintanak ezin izan du Tinkoff-Saxokoa gainditu. Podiuma Roman Kreuzigerrek osatu du.
ETAPAKO SAILKAPENA
1. Adriano Malori (Movistar Team) 10:13
2. Fabian Cancellara (Trek) 10:19
3. Bradley Wiggins (Sky) 10:24
4. Tony Martin (Omega Pharma-Qyuck Step) 10:28
5. Tom Dumoulin (Giant-Shimano) 10:32
6. Alex Dowsett (Movistar Team) 10:33
7. Michal Kwiatkowski (Omega Pharma-Quick Step) 10:35
8. Manuel Quinziato (BMC) 10:36
9. Stijn Devolder (Trek) 10:37
10. Luke Durbridge (Orica-GreenEdge) 10:39
