Txirrindularitza
Urtarrilaren 19tik 26ra
Zubeldia izango da Trek Factory Racingeko liderra San Luiseko Tourrean
Erredakzioa
Usurbilgo txirrindulariarekin batera, Eugenio Alafaci, Julian Arredondo, Fabio Silvestre, Giacomo Nizzolo eta Danilo Hondo egongo dira.
-
Haimar Zubeldia. Argazkia: EFE
Haimar Zubeldia gipuzkoarra Trek Factory Racing taldeko liderra izango da, San Luiseko Tourrean (urtarrilaren 19tik 26ra).
"San Luisen parte hartuko dudan aurreneko aldia da. Bertan lehiatzea eskatu nien zuzendariei, Argentinan oso gustura arituko naizela uste dudalako", esan du Zubeldiak.
"Lasterketako mendateek, proba gogortu egingo dute, eta zazpi egun luze egingo dira. Hala ere, denboraldia ondo prestatzeko abagune bikaina izango da. Txirrindulari gazteak eramango ditugu, eta Danilo Hondok eta nik esperientzia emango diegu", azaldu du Usurbilgo txirrindulariak.
Trek Factory Racing, San Luiseko Tourrean:
Eugenio Alafaci (ITA), Julian Arredondo (COL), Fabio Silvestre (ITA), Giacomo Nizzolo (ITA), Danilo Hondo (ALE), Haimar Zubeldia (EUS). Taldeko zuzendaria: Alain Gallopin (FRA).
