Txirrindularitza
4. etapa
Tony Martinek irabazi du erlojupeko, eta Dennis lider berria da
Erredakzioa
Alemaniako txirrindulariak erakustaldia eman du, berriz ere, erlojuaren kontra, eta Rohan Dennis australiarrak lidergoa kendu dio Veilleuxi.
-
Tony Martin. Artxiboko argazkia: EFE
Tony Martin alemaniarrak (Omega Pharma) erakustaldia eman du Dauphine probako laugarren etapan (32 kilometroko erlojupekoa), eta Rohan Dennis australiarrak (Garmin) liderraren elastikoa jantzi du. Gainera, Alberto Contadorrek 2 minutu eta 44 segundo galdu ditu Chips Froomekiko.
Martinek 36 minutu eta 55 segundotan burutu ditu 32 kilometroak, 52,8km/h batazbesteko abiaduran. Bigarren Rohan Dennis izan da, eta hirugarren Sky taldeko Chris Froome. Contadorrek 3 minutu eta 37 segundo galdu ditu helmugan.
Jonathan Castroviejo bizkaitarrak (Movistar) etapako laugarren postua eskuratu du. Samuel Sanchezek 3 minutu eta 21 segundo galdu ditu, ‘Purito’ Rodriguezek 3 minutu eta 47 segundo, eta Alejandro Valverdek 3 minutu eta 28 segundo.
Bihar Frantziako probako bosgarren etapa (Gresy sur Aix-Valmorel, 139 kilometro) jokatuko da, eta helmuga maila bereziko mendian egongo da.
4. etapa:
1. Tony Martin (Omega Pharma-Quick Step) 36:55
2. Rohan Dennis (Garmin) + 47
3. Chris Froome (Sky) + 51
4. Jonathan Castroviejo (Movistar) + 1:08
5. Michal Kwiatkowski (Omega Pharma-Quick Step) + 1:13
Samuel Sanchez (Euskaltel-Euskadi) + 3:22
Rolland (Europcar) + 3:23
Valverde (Movistar) + 3:28
Van den Broeck (Lotto-Belisol) + 3:30
Contador (Saxo-Tinkoff) + 3:38
Joaquim Rodríguez (Katusha) + 3:48
Sailkapen nagusia:
1 Rohan DENNIS GARMIN - SHARP 12:40:00
2 Christopher FROOME SKY PROCYCLING 0:00:05
3 Michal KWIATKOWSKI OMEGA PHARMA-QUICK STEP 0:00:26
4 Edvald BOASSON HAGEN SKY PROCYCLING 0:00:32
5 Richie PORTE SKY PROCYCLING 0:00:33
6 Geraint THOMAS SKY PROCYCLING 0:00:55
7 David VEILLEUX TEAM EUROPCAR 0:01:09
8 Leopold KONIG TEAM NETAPP-ENDURA 0:01:11
9 Stef CLEMENT BLANCO PRO CYCLING TEAM 0:01:14
10 Andriy GRIVKO ASTANA PRO TEAM 0:01:26
