Txirrindularitza
Mallorcako Challengea
Leigh Howardek irabazi du bigarren etapa
Erredakzioa
Txirrindulari australiarrak Tyler Farrar eta Jose Joaquin Rojas menderatu ditu esprintean. Gorka Garcia (Cofidis) euskal txirrindularia, laugarren izan da.
-
Leigh Howard Mallorcako Challengean lortutako garaipena ospatzen. Argazkia: EITB
Leigh Howard (Orica-GreenEDGE) australiarrak irabazi du Campos-Santanyi-Ses Salines saria, Mallorcako Challengeko bigarren proba. Etapak, 167,1 kilometroko ibilbidea izan du, eta txirrindulariek laugarren mailako lau mendate gainditu behar izan dituzte.
Txirrindulari australiarrak, berriro bigarren izan den Tyler Farrar (Garmin), eta hirugarren bukatu duen Jose Joaquin Rojas (Movistar Team) menderatu dite esprintean. Egoitz Garcia (Cofidis) euskal txirrindularia, laugarren izan da etapan.
Eguneko ihesladia, zortzi txirrindularik osatu dute: Meier (Orica), Berhane (Europcar), Txurruka (Caja Rural), Calabria (Novo Nordisk), Van Zandbeek (De Rijke), Larrinaga (Euskadi) eta Mas (Burgos) txirrindulariek. Tropelarekiko 7 minutu eta 50 segundoko aldea izateraino iritsi dira, baina azkenean tropelak harrapatu ditu.
Bradley Wiggins, Rigoberto Uran eta Sergio Henao jarri dira tropezaren buruan etapako azken kilometroetan, eta multzoetan ebaki da tropela haizearen eraginez. Azken metroetan Leigh Howard izan da onena.
Sailkapena:
.1. Leigh Howard (AUS) ORICA GREENEDGE 3:56:24
.2. Tyler Farrar (USA) GARMIN-SHARP db.
.3. Jose Joaquin Rojas (ESP) MOVISTAR TEAM db.
.4. Egoitz Garcia (EUS) COFIDIS db.
.5. Enrique Sanz (ESP) MOVISTAR TEAM db.
.6. Fco. Jose Ventoso ESP MOVISTAR TEAM db.
.7. Alessandro Petacchi (ITA) LAMPRE-MERIDA db.
.8. Kenny Dehaes (BEL) LOTTO BELISOL db.
.9. Yoeri Havik (NED) CT. RIJKE SHANKS db.
10. Ben Swift (GBR) SKY PROCYCLIUNG db.
