Italiako Giroa
MAIATZAK 18, ASTEAZKENA
2022ko Italiako Giroko 11. etaparen profila eta ibilbidea: Santarcangelo di Romagna – Reggio Emilia (203 km)
EITB MEDIA
Aukera bikaina izango dute tropeleko azkarrenek etaparen garaipena euren artean lehiatzeko; dena den, txirrindulariek kontu handiz ibili beharko dute erorikoak saihesteko, ibilbidean hainbat oztopo aurkituko baitituzte
-
2022ko Italiako Giroko 11. etaparen profila. Argazkia: giroditalia.it
Maiatzaren 18an, asteazkenean, Italiako Giroko 11. etapa Santarcangelo di Romagnan hasi eta Reggio Emilia Parmigiano Reggiano Food Stagen bukatuko da. Txirrindulariek 203 kilometroko ibilbide laua izango dute aurretik.
Emilia-Romañako errepideetan zehar egingo den jardunaldia egokia da esprinterako. Aukera bikaina izango dute tropeleko azkarrenek etaparen garaipena euren artean lehiatzeko; dena den, txirrindulariek kontu handiz ibili beharko dute erorikoak saihesteko, ibilbidean hainbat oztopo aurkituko baitituzte; besteak beste, oinezkoen babesguneak, biribilguneak eta bidegurutzeak.
Lasterketa zuzen-zuzenean ikusi ahalko da EITBn, honako ordutegi hauetan: eitb.eus-en etapa oso-osorik ikusteko aukera egongo da 12:10etik aurrera. ETB4k 14:30etik 15:10era egingo du bat seinalearekin. Ondoren, 15:10etik etapa amaitu arte ETB1en jarraitzeko aukera izango da.
Ikusi 10. etaparen profila | Ikusi 12. etaparen profila
ETAPAREN PROFILA
2022ko Italiako Giroko 11. etaparen profila. Argazkia: giroditalia.it
FITXA TEKNIKOA
Etapa: 11. etapa (maiatzak 18)
Ibilbidea: Santarcangelo di Romagna – Reggio Emilia
Distantzia: 203 km
Hasiera-ordua: 12:20
Amaiera-ordua: 17:01 (45 km/h) |17:14 (43 km/h) | 17:27 (41 km/h)
