Italiako Giroa
18. etapa
Philippe Gilbert garaile, Contadorrek beste erakustaldi bat emanda
Agentziak | Erredakzioa
Belgikarrak erasoa jo du amaierarako 18 kilometrora eta bakar-bakarrik iritsi da helmugara. Contadorrek lider jarraitzen du, eta Mikel Landak bigarren postuari eutsi dio.
Philippe Gilbert belgikarra (BMC) nagusitu da Italiako Giroko 18. etapan. Guztira, 170 kilometro egin dituzte Melide eta Verbania aldean. Contadorrek erakustaldia eman du, eta sailkapen nagusian aurkariekin duen aldea handitu du.
Gilbert guztien artean azkarrena izan da, eta bakar-bakarrik iritsi da helmugara, 4 ordu, 4 minutu eta 14 segundo eginda. Bigarren garaipena du aurtengo edizioan.
Mikel Landak zorte txarra izan du erorikoekin, eta Alberto Contadorrek egoera aprobetxatu du erasoa jo eta sailkapenean duen aldea handitzeko.
Contadorrek irabazleak baino 6 minutu eta 5 segundo gehiago behar izan ditu ibilbidea egiteko. Madrildarrak minutu eta 13 segundo atera dizkie Mikel Landari eta Fabio Aruri. Gasteiztarra eta italiarra bigarren eta hirugarren dira sailkapenean.
Ostiralean 19. etapa lehiatuko dute, 236 kilometrokoa, Gravellona Toce eta Cervinia artean. Helmuga aldapan gora dago.
"356">
