Euskal Herriko Itzulia
6. etapa
Ion Izagirre jaun eta jabe, Euskal Herriko Itzulian
AGENTZIAK | ERREDAKZIOA
Ormaiztegiarrak 43 segundoko aldea atera dio Buchmann liderrari, eta seigarren etaparen irabazlea Adam Yates izan da.
Ion Izagirrek irabazi du 2019. urteko Euskal Herriko Itzulia. Eibarren hasi eta Eibarren bukatu den 118,2 kilometroko azken etaparen honetan, Emanuel Buchmann liderraren eta Bora taldearen nagusitasuna zapuztu egin da, eta Adam Yates izan da helmugaratzen lehena.
Yatesek bigarren etapan izandako arazo baten ondorioz galdu zituen Sailkapen Nagusian borrokatu ahal izateko aukerak; Eibarko etapan, ordea, bera izan da indartsuena. Azurkiko gainan, 57. kilometroan, bost txirrindularik egindako ihesaldiaren parte izan da bera ere, hain zuzen ere, jardunaldiko hiru mendatetatik aurrenekoan.
Izagirrek bere aldetik, denboraldiko 22. garaipena eskaini dio Astana taldeari; helmugatik 12 kilometro faltan, berriz, erronka zailari egin behar izan dio aurre Dan Martin irlandarrak erasoa jo baitu. Hala ere, gipuzkoarrak azkar erreakzionatu eta bere bila abiatu da. kilometro eta erdian bere gurpilari eustea lortuz.
Yatesen ondoren, segundo bakarrera, Martin, Fuglsang eta Izagirre helmugaratu dira. Ihesaldiko bosgarren txirrindulariak Tadej Pogacarrek (UAE Emirates) denbora galdu eta irabazlearekiko 27 segundotara iritsi da. Hala ere, sailkapena ez da bere horretan gelditu, izan ere, Buchmann alemaniarraren taldeak erreklamazioa egin du, eta azkenean, Itzuliko podiumean izango da, Julian Erasok lasterketako presidenteak jakinarazi duenez.
Hots, sei txirrindulariko taldean helmugaratzear zegoenean, horietako hiru sahiesbide batean norabidez erratu dira, eta horren ondorioz, alemaniarra ez da podiumera igo ahal izateko denboran helmugaratu. Gerora, ordea, erreklamazioa onartu eta hirugarren egin du sailkapen nagusian.
Gauzak horrela, Ion Izagirre izan da aurrena 2015ean, 2017an eta 2018an podiuma egin eta Valentziako Itzulia irabazi eta Paris Nizako etapa batean gailendu ondoren. Bigarren, Daniel Martin, eta hirugarren, Buchmann. Bestalde, erabaki honen ondoren kaltetuena Astana taldeko Jakob Fuglsang izan da, ospakizunean podiumera igo den arren, gerora at gelditu baita.
Azken gorabeheretan Mikel Landak bereak eta bi egin ditu Sailkapen Nagusian gora egiteko saiakeran, zazpigarren egin duelarik, 2019ko Euskal Herriko Itzuliaren txapela jantzi duen Ion Izagirreregandik 2.56ra.
