Euskal Herriko Itzulia
Ezustekoa eman du
ITZULIA | Joaquim 'Purito' Rodriguezek irabazi du Itzulia
Agentziak | Erredakzioa
Henao eta Ion Izagirre, bigarren eta hirugarren sailkatu dira sailkapen nagusian. Aiako erlojuaren kontrakoan Dumoulin nagusitu da, Puritoren eta Izagirreren aurretik.
Albisteak (5)
Joaquim "Purito" Rodriguezek (Katusha) irabazi du Euskal Herriko Itzuliaren 55. edizioa. Proba gaur erabaki da Aiako erlojupekoarekin (18.3 kilometro), eta garaipena Tom Dumoulin (Giant Alpecin) holandarrarentzat izan da.
Puritoren eta Sergio Luis Henaoren (Sky) arteko lehia zirraragarria izan da, eta katalana kolonbiarra baino 13 segundo lehenago helmugaratu da. Henao izan da liderra azken hiru etapetan, Puritoren denbora berdinarekin.
Dumoulinen atzetik Purito bera sailkatu da, eta hirugarren postua Ion Izagirrerentzat izan da. Ormaiztegikoak lan ikaragarria egin du eta sailkapen nagusian ere hirugarren bukatu du. Nairo Quintanak ez du esperotako maila eman, eta zazpigarren sailkatu da gaur. Sailkapen nagusian, laugarren izan da.
Purito Rodriguez handia Itzuliaren historian sartu da gaur. Contador, Nairo Quintana eta Samuel Sanchez izan dira probako azken irabazleak.
6. etapako sailkapena:
1. Dumoulin 28:46
2. J. Rodriguez 4-ra
3. Ion Izagirre 5-ra
4. Henao 17-ra
5. Intxausti 21-ra
6. Felline 23-ra
7. Quintana 30-ra
8. Taaramae 36-ra
9. Rui Costa 34-ra
10. Kwiatkowski 37-ra
Sailkapen nagusia:
1. J. Rodriguez
2. Henao 13-ra
3. Ion Izagirre 29-ra
4. Quintana 38-ra
5. Simon Yates 46-ra
6. Scarponi 1:06-ra
7. Rui Costa 1:14-ra
8. Kwiatkowski 1:15-ra
9. Zakarin 1:25-ra
10. Pinot 1:33-ra
