Surf-a
BERTAN BEHERA
Eguraldi "eskasak" Erostarbe eta Duru surflariak lehiatu gabe utzi ditu
AGENTZIAK | EITB Media
Nadia Erostarbe eta Joan Duru lehiatzekoak ziren final-laurdenak, finalerdiak eta surf dominen txandak bertan behera geratu dira Tahitiako Teahupoo hondartzako eguraldi txarragatik.
-
Joan Duru Tahitiko olatuak surfeatzen. ARGAZKIA: BASQUE TEAM
Nazioarteko Surf Elkarteak astearte honetan jakinarazi du Nadia Erostarbe eta Joan Duru jokatzekoak ziren surf dominen final-laurdenak eta finalerdiak bertan behera geratu direla, Tahitiko Teahupoo hondartzako eguraldi txarrarengatik. Lehiaketa bertan behera geratu da "kolore gorriko kode batengatik".
Kolore gorriko kode batek, surfa bezalako diziplinetan, gutxienez 24 orduko etena suposatzen du uretako jarduera guztietan. Beraz, surf olinpikoaren itxiera uztailaren 31rarte atzeratu da.
Gauzak horrela, Joan Duru eta Nadia Erostarbe ezin izan dira itsasora irten. Baionako surflaria final-laurdenetan lehiatzekoa zen, eta Nadia Erostarbek, bere aldetik, ezin izan du lehiatu final-laurdenak jokatzeko txartelarengatik.
Nazioarteko Surf Elkarteak igorritako komunikatuaren arabera, "kolore-kodearen joerei buruz, ordezkari teknikoek erabaki bat hartzea espero da hurrengo saiorako".
