Saskibaloia
Europa
Dinamo Sassari vs IDK Euskotren eta Bilbao Basket vs Le Portel partidak, gaur, zuzenean, eitb.eus-en
EITB Media
Gipuzkoako taldeak Eurokopako final-zortzirenetako joaneko neurketa jokatuko du Italian; Bizkaikoak, aldiz, Europa Kopako bigarren faseko L multzoko hirugarrena. Jardunaldiko neurketa izango du jokoan. Bi norgehiagokak eitb-eus-en izango dituzu ikusgai, 20:30ean eta 20:00etan hurrenez hurren.
-
IDK Euskotren. Argazkia: EITB Media
Asteazken honetan, urtarrilaren 8an, hitzordu bikoitza dugu saskibaloiarekin; izan ere, IDK Euskotrenek eta Bilbao Basketek Europako partidak jokatuko dituzte.
IDK Euskotrenek Dinamo Sassariri egingo dio bisita Eurokopako final-zortzirenetako joaneko neurketa jokatzeko. Norgehiagoka eitb.eus-en izango duzu ikusgai, 20:30etik aurrera. Gipuzkoako taldeak emaitza ona lortu nahi du, urtarrilaren 15ean Donostian jokatuko den itzuliko lehiari abantailarekin ekiteko.
Bilbao Basketek Le Portel izango du aurkari Eurokopako bigarren faseko L multzoko hirugarren jardunaldiko partidan. Hirugarren garaipena jarraian bereganatu nahi du Bilboko taldeak. Neurketa 20:00etan hasiko da, eta zuzenean emango dute eitb.eus-ek eta ETB4k.
