IDK Euskotren eta Izar Gorriaren arteko Eurocupeko partida, EITBn

IDK Euskotren Europara itzuliko da, bi denboraldi eta gero, asteazken honetan, Izar Gorria talde historikoaren kontrako partidarekin, Eurocupeko multzoen fasean, kontinenteko bigarren txapelketa nagusian. Partida 20:00etan hasiko da, eta ETB4en eta eitb.eus-en ikusteko aukera eskainiko du EITBk.

Azu Muguruzak entrenatzen dituen jokalariek ligan zazpigarren geratuta lortu zuten Europan lehiatzeko txartela. Orain, multzoen fasean aurrera egiteko lan ona egiteko asmoz kantxaratuko dira, arerio zailak izan arren, faboritoen artean baitaude. Belgradeko Izan Gorria ez ezik, Errumaniako ACS Sepsi eta Greziako Protcas Voucas izango dituzte aurrean.

Talde bakoitzeko bi talde zuzenean sailkatuko dira. Era berean, hirugarren geratzen direnek ere aukera izan dezakete, beste taldeetako emaitzen arabera. Horrenbestez, etxean emaitza ona lortzea oso garrantzitsua izango da.