Saskibaloia
Azpeitian
Baskoniak Bilbao Basket gainditu du Euskal Kopan (81-72)
EITB MEDIA
Partida oso parekatua izan da azken unera arte, eta gasteiztarrak nagusitu dira 15-6ko azken partzialari esker.
-
Baskoniako jokalariak koparekin. Argazkia: Baskonia
Baskoniak Euskal Kopa irabazi du ostiral honetan Surne Bilbao Basketi 81-72 irabazita Azpeitiko kiroldegian jokatu den euskal derbian.
Norgehiagokaren lehen minutuetan, bi taldeen arteko saskiratze trukea izan da protagonista. Lehen zatiko bigarren zatian ere, joera bera izan dute, 23-24ko emaitzarekin Bilboko taldearen alde. Baina Markus Howardek aurretik jarri du Baskonia, 8 puntu jarraian lortuta (35-28). Pablo Lasoren taldeak bere erritmoa jarri du kantxan aldageletara 8 puntuko abantailarekin joateko (45-37).
Atsedenaldiaren ostean, Gasteizko taldeak aldeari eutsi dio (52-45), baina Ponsarnauren mutilek 2 puntura murriztu dute aldea 10 minuturen faltan (61-59). Parekotasun handiena azken laurdenean izan da, Bilboko taldearen defentsa gogorrak markatutako partidan (66-66). Lasoren mutilek beste martxa bat sartu dute orduan, 15-6ko azken partziala eginez garaipena lortzeko (81-72).
