Saskibaloia
Fitxaketa
Natalia Rodriguezek Kutxabank Araskin jokatuko du datorren denboraldian
EITB MEDIA
Jokalari kanariarra Duran Maquinaria Ensinotik dator, eta batez beste 3,1 puntu eta 1,7 errebote egin ditu partidako ligan jokatutako 28 partidatan.
-
Natalia Rodríguez, Kutxabank Araskiren fitxaketa
Kutxabank Araskik Natalia Rodriguez fitxatu du 2024/2025 denboraldirako. Jokalari kanariarrak Duran Maquinaria Ensinon jokatu du joan den denboraldian, eta 25 urterekin, bosgarren sasoia beteko du emakumezkoen saskibaloi maila gorenean, Gasteizen.
Beheko mailetan, ohiko jokalaria zen Espainiako Selekzioan. Ondoren, Ferrol taldean egin zuen debuta emakumezkoen ligan, eta lau denboraldi egin zituen han, IDK eta Ensino taldeetan lehiatu baino lehen. Iazko denboraldian, batez beste 3,1 puntu eta 1,7 errebote egin ditu partidako ligan jokatutako 28 partidatan.
"Oso jokalari ona da aldageletan. Horrez gain, erasorako gaitasuna ez ezik, ezaugarri fisiko onak ditu jaurtiketa azkarrak egiteko. Aspaldi jarraitzen ari ginen jokalaria da Natalia. Azkenean lortu dugu berdez jantzita ikustea. Jokaldietan erakusten duen energia eta izaera bikainak dira gure egiturarako", azaldu du Made Urieta Araskiren entrenatzaileak.
¿¿¿¿¿¿¿ ¿¿ ¿¿¿¿¿¿ ¿
— Araski AES (@Araski) June 18, 2024
Talento ofensivo y buen físico para el perímetro de Kutxabank Araski ¿
¡Bienvenida @NataliaRguez1! ¿
¿ https://t.co/F9tjGME9oE#LaMagiadeMendi #MendikoMagia #LFEndesa pic.twitter.com/jyedBt6IoO
