Saskibaloia
Eurocup Women 2023-2024
Lointek Gernika Bizkaiak Kangoeroes Mechelen izango du aurkari hurrengo fasean
EITB Media
Talde bizkaitarrak Belgikako taldea izango du aurkari Eurocup Women txapelketako Play-off-eko hurrengo kanporaketan. Joaneko partida abenduaren 13an edo 14an jokatuko da Belgikan, eta itzulikoa hilaren 20an edo 21ean, Gernika-Lumon.
-
Lointek Gernikako jokalairak pasa den denboraldiko partida batean. Argazkia: EITB Media
Lointek Gernika Bizkaiak Kangoeroes Mechelen talde belgikarraren aurka jokatuko du 2023-2024ko Eurokopako Play-off-eko hurrengo kanporaketan.
Aurreko fasean, Gernikako taldeak, 6 punturekin D multzoko bigarren postua eskuratu zuen. Halaber, Belgikako taldea, E multzoan bigarren sailkatu da, lau garaipen lortu ondoren.
Joaneko partida abenduaren 13an edo 14an jokatuko da Belgikan, eta itzulikoa hilaren 20an edo 21ean, Gernika-Lumon, Maloste Kiroldegian.
