Saskibaloia
Kanporaketa
Euroligak Errusiako taldeak lehiaketetatik kanpo utzi ditu behin-betiko
AGENTZIAK | EITB MEDIA
CSKA Mosku, UNICS Kazan, Zenit St Petersburg eta Lokomotiv Kuban Krasnodar 2021-22 denboraldiko Europako lehiaketetatik kanpo geratu dira.
-
Zenit - Baskonia Euroligak partida (2021). Argazkia: EFE
Euroligue Basketballek talde errusiarrak (CSKA Mosku, UNICS Kazan, Zenit St Petersburg eta Lokomotiv Kuban Krasnodar) Euroligatik eta Eurokopatik kanpo uztea erabaki du astearte honetan, talde horien aurkako denboraldiko partiden emaitza guztiak baliogabetuta.
Horrela, sailkapen eguneratuan, Barça Euroligako liderra da 19 garaipenekin eta Real Madril bigarren, 18 garaipenekin. Beraz, bi taldeak playoffetarako sailkatuta daude; gainera, kantxa faktorea alde dute. Baskonia hamargarren postuan dago, 10 partida irabazita, 8. dagoen Monakorekiko garaipen bakarrera.
Eurokopan Badalonako Joventut lehena da 11 garaipenekin. Morabanc Andorra, aldiz, hirugarren postuan dago, 9 garaipenekin.
