Saskibaloia
Finala, Londresen
Real Madril, Bartzelona, CSKA Mosku eta Olympiacos, Euroligaren bila
Erredakzioa
Olympiacos egungo txapeldunak CSKA Mosku izango du aurkari finalerdietan. Beste finalerdian, berriz, Real Madril eta Bartzelona izango dira nor baino nor gehiago.
-
Bartzelonak eta Real Madrilek bigarren finalerdian neurtuko dituzte indarrak. Efe.
Real Madril, Bartzelona, Moskuko CSKA eta Olympiakos Euroligako talderik indartsuenek neurtuko dituzte indarrak ostiraletik aurrera Londresen, Europako saskibaloi txapelketa garrantzitsuena irabazteko.
Bartzelonak eta Real Madrilek ostiralean jokatuko dute, bigarren finalerdian.
Espainiako Ligako bi taldeez gain, Europako beste bi talde historiko lehiatuko dira aurtengo finalea: Greziako Olympiacos taldea, egungo txapelduna, eta Moskuko CSKA, Ettore Messina Real Madrileño entrenatzaile odiaren gidaritzapean.
Greziarrek iaz Istanbulen irabazitako txapelari eutsi nahi diote, Vassilis Spanoulias jokalari bikainaren eta Gorgios Bartzokas entrenatzaile gazte eta berrearen eskutik.
Pireoko taldeak Euroligako jokalari gazte onena du, 22 urteko Kostas Papanikolau, eta Moskuko CSKA mendean hartzen saiatuko da igandeko final handirako txartela eskuratzeko.
Errusiarrek, berriz, zazpigarren titulua lortu nahi dute, Real Madrilek zortzi garaipenekin duen markara hurbiltzeko.
Ettore Messinaren gizonek mendekua hartu nahi dute, Olympiacosek Euroligako txapela kendu baitzien iaz finaleko azken minutuetan.
