Bigarren laurden kaskarrak Baskonia zigortu du Partizanen aurka (86-73)

Partizanek Baskonia menderatu du ostiral honetan, bigarren laurden ia bikain batean 23-2ko partziala lortuz. Hori funtsezkoa izan da serbiarrek 86-73 irabaz zezaten Euroligako 27. jardunaldiko norgehiagoka.

Partida kolpe eta intentsitate truke batekin hasi da, baina etxeko taldeak gehiago asmatu du, batez ere Carlik Jones eta Sterling Brownen bidez. Aldaketei esker, Baskoniak hobera egin du, baina Partizanen bultzada berri batek 25-18 jarri ditu aurretik lehen hamar minutuen amaieran.

Zuloa 20 puntutik gora hazi da etxekoen alde, bisitariak kikilduta utzi dituen 23-2ko partzialarekin, eta bigarren laurdena 45-25eko markagailuarekin itxi dute.

Pablo Lasoren mutilek sufritu egin dute bigarren zatiko lehen minutuetan, baina erdialdetik aurrera defentsa onak kateatu dituzte. Markus Howardek zazpi puntu jarraian sartu ditu bisitariak partidan sartzeko, 63-51.

Luka Samanicek eta Trent Forrestek gidatu dute taldea, Carlik Jones berriro agertu den arte, Partizanek garaipena eskuratzeko, 86-73.

Fitxa teknikoa:

86 - Partizan (25+20+18+23): Lundberg (8), Jones (21), Brown (19), Pokusevski (4) eta Davies (8) -hasierako bostekoa-; Tyrique Jones (7), Washington (2), Marinkovic (8), Lakic (8) eta Mike (9).

73 - Baskonia (18+7+26+22): Forrest (10), Luwawu-Cabarrot (11), Sedekerskis (1), Moneke (9) eta Diop (2) -hasierako bostekoa-; Jaramaz (3), Hall (9), Samanic (10), Sedekerskis (1) eta Howard (7).

Epaileak: Mehdi Difallah (Frantzia), Olegario Latisevs (Letonia) eta Gytis Vilius (Lituania). Ez dute inor kanporatu.