Markus Howardek Baskonian jarraituko du 2028ra arte

AGENTZIAK | EITB MEDIA

Publikatuta: 2024/05/14 11:46 (UTC+2) Azken eguneratzea: 2024/05/14 11:46 (UTC+2)

Howard Euroligako eta Endesa Ligako saskiratzaile nagusia izan da 2023-2024 denboraldian, eta beste lau denboraldiz jokatuko du Gasteizko taldean.

Markus Howard

Whatsapp
Whatsapp
telegram
twitt
Bidali
Esteka kopiatu

Albisteak (4)

Baskoniak partida bikaina eginda esan dio agur Euroligari, Real Madrilen aurka (98-102)
Baskoniak bigarren aldiz galdu du Real Madrilen aurka, 101-90, eta Buesan saiatuko da play-offa berdintzen
Baskoniak galdu egin du Euroligako play-offeko lehen partida, Real Madrilen aurka (90-74)

Baskoniak Euroligako Lauko Finalerako pasea du jokoan, Real Madril egungo txapeldunaren aurka

Baskoniak eta Markus Howardek akordioa lortu dute jokalariak 2028. urtera arte taldean jarrai dezan. Howard Euroligako eta Endesa Ligako saskiratzaile nagusia izan da 2023-2024 denboraldian.

Gasteizko taldeak sarean zabaldutako ohar batean nabarmendu duenez, 2022ko udan Gasteizera iritsi zenetik, klubarekin eta zaleekin "bikain" egokitu den jokalaria da Howard, "baskonismo guztia gozaraziz saskibaloi ikusgarriko gau handiekin".

¿¿ OFIZIALA | Baskonia eta @markushoward11, elkarrekin 2¿0¿2¿8¿. urtera arte

¿¿ https://t.co/I4kyyho5UO #Howard2028 pic.twitter.com/1Wkt050Cgx
— Baskonia (@BaskoniaEUS) May 14, 2024

Aurten ere denboraldi bikaina egin du jokalari estatubatuarrak, Euroligako zein Endesa Ligako saskiratzaile eta hiruko jaurtitzaile onena izanik. Horrez gain, 'Euroleague Alphonso Ford Top Scorer' saria irabazi zuen, "merezitako aitorpena denboraldi historiko batean", Europako denboraldi bateko marka berria ezarri baitu 148 hirukorekin.