Baskonia
Euroliga (23. jardunaldia)
Baskoniak porrot egin du Valentziaren kontra (62-77), eta amaiera eman dio bi garaipeneko bolada onari
EITB Media
Gasteizko taldeak galdu egin du Valentziako Erkidegokoaren aurka jokatutako Euroligako 23. jardunaldiko partida, Buesa Arenan, 62-77ko emaitzarekin.
-
Baskonia - Valentzia partidako jokaldi bateko irdua. Argazkia: EFE
Baskoniak galdu egin du Valentziaren aurka 62-77ko emaitzarekin Buesa Arenan jokatutako Euroligako 23. jardunaldiko partida. Gasteizko taldeak bi garaipen jarraian zeramatzan Europako txapelketa nagusian, baina porrot honekin bolada ona eten du.
Valentzia nagusi izan da neurketa osoan zehar, eta ez dio ia aukerarik eman Arabako taldeari. Espainiako taldeak hamar puntuko errenta izan du ia partida osoan. Baskonia oso gaizki ibili da hiruko jaurtiketetan, eta baloi asko galdu ditu.
Txarto jokatu arren, Baskonia hiru puntura gerturatu da azken laurdenean, baina Valentziak azkar erantzun du, eta zuloa ireki du berriro markagailuan. Azkenean, Baskonia galtzaile.
Fitxa teknikoa:
62 - Baskonia (13+16+19+14): Miller-McIntyre (2), Howard (7), Marinkovic (10), Sedekerskis (5) eta Kotsar (4) —hasierako taldea—; Raieste (2), Theodore (9), Rogkavopoulos (-), Costello (7) eta Moneke (16).
77 - Valentzia (16+29+13+19): Jones (12), Pangos (-), Anderson (8), Inglis (8) eta Davies (19) —hasierako taldea—; Harper (7), Pradilla (2), Robertson (-), Jovic (5), Lopez-Arostegui (5) eta Ojeleye (11).
Epaileak: Sreten Radovic (Kroazia), Sasa Pukl (Eslovenia) eta Marko Juras (Serbia). Ez dute inor kanporatu. Falta teknikoa adierazi diote Costellori (11. min) eta kirolez kontrakoa Ojeleyeri (34. min).
