Baskonia
Endesa Liga
Baskonia garaipenaren bidean da berriro, Obradoiroren etxean irabazi ostean (79-92)
Agentziak | Erredakzioa
Arabarrak galiziarrak baino gehiago izan dira, eta partida kontrolpean izan dute ia une oro.
Baskoniak irabazi egin du igande honetan Monbus Obradoiroren etxean jokatu duen partida. Arabarrak 79-92 gailendu dira, erasoko joko eraginkorrari eta Tornike Shengeliari esker.
Shengeliak amaiera bikaina eman dio lehen laurdenari, Baskoniaren zelaitik hirukoa sartuta. Horrela, lehen hamar minutuak 17-22ko emaitzarekin amaitu dira.
Bigarren laurdenean, gauzak ez dira aldatu, baina galiziarrak markagailuan gerturatu dira, Dejan Kravicen jokori esker, eta arabarren aldea zazpi puntutan geratu da atsedenaldirako: 36-43.
Bigarren zatian, Obradoirok erritmoa igo du, eta galiziarrak puntu bakar batera jarri dira: 48-49. Hala ere, Baskonia nagusitu da berriro, eta 59-71 jarri dira aurretik hirugarren laurdenaren amaieran.
Azken laurdenean, etxeko taldeak beste saiakera bat egin du markagailua iraultzeko, eta, amaierarako sei minutu falta zirenean, 69-78 jarri dira, 8-2ko partzialari esker. Hala ere, Perasovicen taldea ez da urduritu, eta 79-91 gailendu da azkenean.
Fitxa teknikoa
79 – Monbus Obradoiro (17+19+23+20): Kravic (17), Magee (8), Brodziansky (8), Muñoz (14), Pozas (4) –hasierako boskotea–, Calloway (3), De Zeeuw (3), Spires (2), Font (4), Daum (10), Czerapowicz (6).
92 – Kirolbet Baskonia (22+21+28+21): Vildoza (8), Janning (11), Fall (2), Shengelia (29), Shields (7) –hasierako boskotea–, Diop (4), Stauskas (6), Garino (12), Polonara (2), Eric (11).
#Live | AMAIERA#GoazenBaskonia | #MOBKBA pic.twitter.com/I3Dnyb6FEZ
— Saski Baskonia (@BaskoniaEUS) November 10, 2019
