Baskonia
4. jardunaldia
Baskoniak lehen aldiz jokatuko du Munichen Bayernen aurka
Agentziak | Erredakzioa
Talde gasteiztarra Bundesligako sailkapeneko lehen taldearen aurka arituko da gaur, 20:00etan, Munichen, Euroligako 4. jardunaldian. Kirolbet Baskoniak Euroligako azken bi partidak galdu ditu.
Kirolbet Baskoniak bere lehenengo partida ofiziala jokatuko du gaur, 20:00etan, Munichen, Euroligako 4. jardunaldian, Panathinaikosi ere irabazi dion Bayernen aurka.
Bundesligan partidarik galdu ez duen eta sailkapen buruan dagoen Bayern taldea Europako saskibaloi txapelketa handian bueltan da berriro.
Euroligan bi porrot jarraian izan eta gero, Baskoniak maila hobea eman beharko du gaur, txapelketa irabazteko helburua baztertu nahi ez badu.
Olinpiakosen aurkako partidan kolpea izan zuen arren, Shavon Shields osatuta dago, eta badirudi Pedro Martínezek hasierako hamaikakoan sartuko duela. Beraz, entrenatzaileak jokalari guztiak izango omen ditu Audi Dome pabiloian jokatuko den partida honetarako prest.
Talde bavariarrak, aldiz, Danilo Barthel dauka zalantzan gaurko partidarako.
Ustezko hasierako bostekoak:
- Bayern Munich: Jovic, Dedovic, Lucic, Barthel eta Booker; Dangubic, Hobbs, King, Koponen, Radosevic, Lo eta Williams.
- Kirolbet Baskonia: Huertas, Janning, Shields, Voigtmann eta Poirier; Shengelia, Hilliard, Granger, Diop, Vildoza, Garino eta Penava.
Epaileak: Javor, Difallah eta Vojinovic.
Pabiloia: Audi Dome.
Ordua: 20:00 (Movistar Deportes 1).
Euroligako sailkapena:
1. Real Madril 3 (jokatutako partidak) 3 (irabazitako partidak) 0 (galdutako partidak)
2. Fenerbahçe 3 3 0
3. CSKA Mosku 3 3 0
4. Olinpia Milan 3 2 1
5. Panathinaikos 3 2 1
6. Anadolu Efes 3 2 1
7. Olinpiakos 3 2 1
8. Maccabi Tel Aviv 3 1 2
9. Zalgiris Kaunas 3 1 2
10. Bartzelona 3 1 2
11. Darussafaka 3 1 2
12. Kirolbet Baskonia 3 1 2
13. Bayern Munich 3 1 2
14. Herbalife Kanaria Handia 3 1 2
15. Buducnost Voli 3 0 3
16. Khimki Mosku 3 0 3
