Baskonia
Endesa Liga
Baskoniak alta eman dio Prigioniri ACBn
Erredakzioa
Joko-antolatzaile argentinarrak Endesa Ligan lehen minutuak jokatzeko aukera izango du asteartean Herbaliferen aurkako partidan.
-
Pablo Prigioni, Bartzelonaren aurkako Euroligako partidan. Argazkia: EFE
Baskoniak alta eman dio Pablo Prigioniri ACBn, hala jakinarazi du klubak astelehen honetan. Ondorioz, Endesa Ligako partidetan jokatzeko prest izango da argentinarra hemendik aurrera.
Prigioni Baskoniara itzuli denetik minutu batzuk jokatu ditu Euroligako Bartzelonaren eta Panathinaikosen aurkako partidetan, baina Endesa Ligan ez du minutrik izan, besteak beste, 13. jardunaldian atsedena izan baitzuen Arabako taldeak.
Astearte honetan Herbalife Gran Canaria taldearen aurka lehen minutuak izan ditzake Endesa Ligan Sito Alonso entrenatzaileak hala erabakiz gero.
