Baskonia
Bruixa D'Or, aurkaria
Baskonia, ligan buru-belarri
Erredakzioa
Ostegunean Euroligari agur esan zion Gasteizko taldeak, eta orain liga du helburu bakarra. Scarioloren taldeak zazpigarren postuari eutsi nahi dio.
-
Scariolo eta Nocioni. Argazkia: EFE
Laboral Kutxak Bruixa D'Or hartuko du larunbat honetan Buesa Arenan, Endesa Ligako 27. jardunaldiko neurketan. Euroligari agur esan eta gero (Barça gainditu zuen), Baskonia ligan buru-belarri da.
Zazpi jardunaldi falta dira liga erregularra bukatzeko, eta Sergio Scarioloren taldeak zazpigarren postuari eustea du helburu. FIATC Joventut eta Cajasolekin berdinduta dago Laboral Kutxa, 13 garaipenekin, baina gasteiztarrek "basket average"-a alde dute.
Jokalari guztiak jokatzeko prest ditu Scariolok, eta larunbatean Palaun, Euroligako norgehiagokan, egindako joko onari jarraipena eman nahi diote.
