Laboral Kutxa berandu esnatu da (99-94)

Erredakzioa

Azken eguneratzea: 2013/05/19 17:20 (UTC+2)

Zan Tabaken mutilek fase erregularreko azkenengo norgehiagoka merezita galdu dute CB Canariasen kontra. Playoffetan, Baskoniak Herbalife Kanaria Handiaren aurka jokatuko du.

Canarias-Baskonia. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Laboral Kutxa Baskoniak porrota jaso du CB Canariasen aurka (99-94), Endesa Ligako fase erregularreko azkenengo neurketan. Tabalen mutilak oso berandu esnatu dira, eta Kanarietako taldeak merezitako garaipena lortu du zaleen aurrean. Playoffetako final-laurdenetan, Baskoniak Herbalige Kanaria Handiaren kontra arituko da.

CB Canariasek oso indartsu hasi du norgehiagoka, baina Zan Tabaken mutilek markagailuari eustea lortu dute (14-10). San Emeterio aulkitik irten da, eta kantabriarrak partida orekatu egin du, hiruko garrrantzitsu batekin (18-18). Baskoniak markagailuan alde egiteko ahalegina egin du, baina Kanarietako taldea sendo mantendu da kantxan (27-27).

Talde horiak erasoan min handia egin dio Laboral Kutxari, bigarren laurdenean, eta markagailuan aise agindu du (37-31). Gasteizko taldeak ezin izan du erantzun sendorik eman, eta CB Canariasek 10 puntuko aldea eskuratu du (55-45). Atsedenaldian, Tabaken gizonak (59-47) markagailuan azpitik joan dira.

Atsedenaldiaren ostean Nocionik bere laugarren falta egin du, eta Kanarietako taldeak erasoan gogor jokatzen jarraitu du (61-50). Laboral Kutxa ezinean aritu da defentsan, eta horiek markagailuko aldea aise handitu dute (68-54). Hirugarren laurdena 82-70eko markagailuarekin bukatu da, Tenerifen.

Azkenengo laurdenean gogor sakatu du Arabako taldeak erasoan, eta San Emeteriok puntu oso garrantzitsuak lortu ditu (89-80). Baskoniako kapitainak eta Lampek taldea erasoan gidatu dute, eta lau puntura jarri dira (89-84). Maciej Lampek bi puntura jarri du Laboral Kutxa (93-91), baina Canariasek garaipena, merezita eskuratu du (99-94).

- Fitxa teknikoa:

99. CB Canarias (27+32+23+17): Uriz (7), Richotti (10), Rost (19), Sekulic (16), Donaldson (2) -hasierako bostekoa-, Guillén (14), Bivia (7), Sergio Rodriguez (5), Chagoyen (-), Lampropoulos (17) eta Baez (2).

94. Laboral Kutxa (27+20+23+24): Cook (2), Causeur (11), Nocioni (4), N. Bjelica (10), Lampe (25) -hasierako bostekoa-, M. Bjelica, San Emeterio (27), Pleiss (4), Heurtel (9) eta Jelinek (2).