Partida erabakigarriak heldu dira Caja Laboralentzat

Caja Laboralek hil edo biziko partidak jokatuko ditu Euroligan, eta Makabirekin, Khimkirekin eta Olinpiakosekin sailkatzea lortzeko borrokatuko du. Gasteizko taldeak final-laurdenetarako txartela izango du jokoan, baina lau taldeetatik soilik bi sailkatuko dira, Top 16ko F multzoan. Europako zortzi onenen artean sailkatzeko, Baskoniak partida garrantzitsuak irabazi beharko ditu.

Top 16ko hamar jardunaldi jokatu dira eta Arabako taldea bosgarren postuan dago, Makabirekin berdinduta 5 garaipen eta 5 porrotekin. Lau jardunaldi garrantzitsu falta dira, eta Caja Laboralek Khimki eta Olinpiakos ditu aurrean, garaipen bateko aldearekin.

Baskoniak bi neurketa etxean jokatu ditu eta beste bi kanpoan. Gakoa, etxetik kanpora jokatuko dituen norgehiagoketan, batez ere,  egongo da.

Zan Tabaken mutilek Fenerbahce hartuko dute Buesa Arenan, ostegunean. Turkiako taldea txapelketatik at dago, eta Baskoniak garaipena bai ala bai lortu beharko luke.