Bilbao Basket
Bilbao Basket-Manresa (83-63)
Bilbao Basketek bolada onari eutsi dio Miribillan
Erredakzioa
Fotis Katsikarisen jokalariek hirugarren laurdenean hautsi dute partida. Assignia Manresak Bilboko taldeari lehen zatian eutsi dio.
Bilbao Basketek bolada onari eutsi dio Miribillan eta Assignia Manresa hartu du mendean (83-63). Fotis Katsikarisen jokalariek garaipen garrantzitsua lortu eta Errege Koparako sailkatzeko aurrerapausoa eman dute.
Bilbao Basketek oso bizi hasi du norgehiagoka eta neurketa laster bideratu behar zuela ematen zuen. Baina bizkaitarrek 0-9ko partziala jaso dute lehen laurdeneko azken minutuetan eta markagailua estutu du Manresak (19-16).
Bigarren laurdena lehenengo partzialaren oso antzekoa izan da. Bilbotarrak markagailuan alde egin behar zutela ematen zuen, baina Kataluniako taldea berriz suspertu da neurketa haustea eragozteko (43-35).
Atsedenaldiaren ostean Fotis Katsikarisen jokalariek jokorik onena egin dute norgehiagoka hausteko. Oraingoan bai lortu dute, hirugarren laurden handia jokatu eta neurketa hautsi dute (67-50).
Azken laurdenean neurketak erritmoa galdu du, ordurako dena erabakita zegoelako.
Fitxa teknikoa:
Bilbao Basket (19+24+24+16): Zisis (-), Vasileiadis (12), Mumbru (7), Hervelle (13) eta Hamilton (8) -hasierako bostekoa-; Raul Lopez (8), Grimau (8), Moerman (13), Rakovic (6) eta Pilepic (8).
Assignia Manresa (14+21+15+13): Hanga (2), DeVries (23), Palsson (2), Ramsdell (10) eta Asselin (12) -hasierako bostekoa-; Alex Hernandez (-), Arco (5), Laviña (-), Yanev (6) eta Arteaga (3).
