Bilbao Basket
Eurocup
Mumbru: 'Lukoil Academic berriro gainditzea ez da erraza izango'
Erredakzioa
Bilbao Basketeko jokalariak Bulgariako taldea Miribillara "garaipena lortzeko helburuarekin" etorriko dela azpimarratu du prentsaurrekoan.
-
Alex Mumbru. Argazkia: EFE
"Haiek minduta etorriko dira, guk partida bikaina jokatuta euren kantxan garaipena lortu genuelako. Jendeak Sofian irabazteagatik hemen erraza izango dela uste du, baina ez da erraza izango", adierazi du Bilbao Basketeko jokalariak.
Gainera Sofian lortutako garaipen erraza "haiek akats ugari egin zituztelako" eta Gescrapek "oso ondo defendatu" zuelako izan zela nabarmendu du.
"Azkenean kalitatea eta kasta atera genuen eta neurketa nahiko erraz irabazi genuen. Hala ere haiek guztia ematera etorriko direla ziur nago", esan du Alex Mumbruk.
