Bilbao Basket
Europe Cup
Multzoko lidertza jokoan, Bilbao Basket vs Prievidza partidan; gaur, zuzenean, eitb.eus-en eta ETB4n
EITB Media
Bilboko taldeak bostetik bost partida irabazi ditu Europe Cup txapeletan, eta J multzoko liderra da. Asteazken honetan, partida bakarra galdu duen BC Prievidza izango du aurkari; multzoko lidertza izango dute jokoan. Neurketa, 20:00etan hasiko da.
-
Bilbao Basket. Argazkia: EITB Media
Surne Bilbao Basketek Europe Cup txapelketako multzoen faseko azken partida jokatuko du gaur BC Prievidzaren aurka, Casillan, 20:00etan. J multozko lidertza izango dute jokoan. Norgehiagoka zuzenean emango dute ETB4k eta eitb.eus-ek.
Bilboko taldeak irabazi egin ditu orain arte Europe Cupen jokatutako bost neurketak, eta multzoko liderra da. Hala ere, J multzoko lehen postua ziurtatu nahi du. Horretarako, sailkapeneko bigarrena den BC Prievidza menderatu beharko du. Norgehiagoka honeterako Xavi Rabaseda kapitainaren baja izango du Bilbao Basketek. Rabasedak zenbait partida emango ditu jokatu gabe, hautsita baitu ezker eskumuturreko eskafoidea.
Lehen itzuliko partidan Bilbao Basketek garaipena bereganatu zuen Prievidzaren kontra, 61-84ko emaitzarekin, Eslovakian. Hala, bada, etxean ere irabazten saiatuko da, multzoko lehen postua ziuratzeko.
