Bilbao Basket
FIBA Europa Kopa
Bilbao Basket-Kutaisi partida, zuzenean, ETB4n eta eitb.eus-en
EITB MEDIA
Beltzezko gizonak FIBA Europe Cupeko bosgarren garaipenaren bila kantxaratuko dira gaur gauean, etxean, Kutaisi talde georgiarraren kontra, 20:00etatik aurrera.
-
Bilbao Basket maila oso ona ari da ematen FIBA Europa Kopan. Argazkia: EITB Media.
Surne Bilbao Basketek FIBA Europe Cupeko bosgarren partida jokatuko du Kutaisiren kontra, Casillan, 20:00etan. EITBk neurketa zuzenean ikusteko aukera eskainiko du, ETB4n eta, streaming bidez, eitb.eus atarian.
Jaume Ponsarnauk gidatzen duen taldeak orain arte Europan jokatutako partida guztiak irabazi ditu, bai Prievidza bai Balkan Botevgrad mendean hartu dituztelako. Gaur egun, Bilbao Basket J taldeko lehen postuan dago, zortzi puntu pilatuta, eta horri eusten saiatuko dira Kutaisiren aurkako gaurko hitzorduan.
Irabaziz gero, beltzezko gizonak txapeldunak ez izatea ekidin dezakeen aukera bakarra honako hau izango litzateke: azken jardunaldian Prievidzak 23 puntu edo gehiagoko aldeaz garaitzea.
Hori bai, talde eslovakiarrak Balkanen kontra galtzen badu eta Bilbao Basketek Kutaisiri irabazi, multzoko lehen tokian geratuko litzateke, zuzenean.
