Bilbao Basket
Endesa Liga
Bilbao Basketek Abdur-Rahkman fitxatu du
EITB Media
Muhammad-Ali Abdur-Rahkman Bilboko taldearen hirugarren fitxaketa da 2024-2025 denboraldirako. Eskolta postuan jokatzen duen estatubatuarrak denboraldi baterako kontratua sinatu du, beste batez berritzeko aukerarekin.
-
Muhammad-Ali Abdur-Rahkman. Argazkia: Bilbao Basket
Surne Bilbao Basketek Muhammad-Ali Abdur-Rahkman fitxatu du, ekainaren 21ean klubak jakinarazi duenez. Eskolta postuan jokatzen du, eta denboraldi baterako kontratua sinatu du Bilboko taldearekin, beste sasoi batez berritzeko aukerarekin.
Estatubatuarrak 29 urte ditu eta 1,93 metro nertzen du. Darussafaka taldetik heldu da Bilbao Basketera. Lehenago, 2022-2023 denboraldian, Italiako Legan ibili zen Carpegna Prosciutto Pesaro taldearekin.
Europara jauzi egin aurretik, Abdur-Rahkmanek NCAAn (Ameriketako Estatu Batuetako Unibertsitateen Liga) jokatu zuen Michigan Wolverinesenen elastikoarekin.
