Bilbao Basket
Ez du jarraituko
Adam Smithek Bilbao Basket utziko du
EITB MEDIA
Eskoltak bi denboraldi eman ditu Bilboko taldean; guztira, Adam Smithek 92 partida jokatu ditu Jaume Ponsarnauren esanetara.
-
Adam Smithek bi denboraldiz jokatu du Bilbao Basketen. Argazkia: EFE.
Adam Smithek ez du Surne Bilbao Basketen jarraituko, ostegunean Bilboko klubak iragarri duenez. Eskoltak bi denboraldi eman ditu euskal taldean; guztira, 92 partida jokatu ditu Jaume Ponsarnau entrenatzailearen esanetara: Endesa Ligako 64, eta Europako txapelketako 28.
Smithek "kontratua amaituta" utziko du Bilbao Basket, klubak nabarmendu duenez. Bilboko taldeak gogora ekarri du, halaber, nola 2022-23 denboraldian, batez beste, 14,2 puntu sartu zituen partidako, Endesa Ligan.
"Eskerrak eman nahi dizkiogu Adami agertutako profesionaltasunagatik, gertutasunagatik, eta ezaugarri izan duen konpromisoagatik; izan ere, hainbat neurketa hatzamar bat hautsita jokatu zituen, taldekideei laguntzeko asmoz. Eskerrik asko zure talentua gurekin partekatzeagatik, Adam", adierazi du Bilbao Basketek.
