Bilbao Basketek Kristian Kullamae fitxatu du

Surne Bilbao Basketek Kristian Kullamae jokalari estoniarra (1,93 metro eta 24 urte) fitxatu du 2023-2024ko denboraldirako, kontratua beste urtebetez luzatzeko aukerarekin, ekainaren 28an Bilboko taldeak jakinarazi duenez.

Kullamaek Lietkabelis taldean jokatu zuen iaz, ligan batez beste 13,8 puntu, 3,7 asistentzia eta 3 errebote erdietsita; Eurokopan, aldiz, 10,9 puntu, 3,6 asistentzia eta 3,2 errebote lortu zituen batez beste.

Estoniako selekzioarekin ere aritu da Kristian Kullamae, eta Munduko Txapelketarako sailkapen fasean, batez beste  12,2 puntu, 3,5 asistentzia eta 4,2 errebote bereganatu zituen.

2022an Eurobasketa ere jokatu zuen; txapelketa hartan, batez beste 7 puntu, 4,6 asistentzia eta 2,8 errebote lortuta.